May ginhiwat
nga Groundbreaking Ceremony para sa bag o nga building sang Department of
Interior and Local Government ukon DILG Regional Office, sa Brgy. Bolong Oeste
Santa Barbara, Mayo 24, 2019 kag blessing nga ginpangunahan naman ni Fr. Jose
Nixon Pascual -Chaplain, Sacred Heart Chaplaincy, Western Visayas Sanitarium.

Sa diin ang
groundbreaking ang gintambungan nanday Governor Arthur Defensor Sr. kag ni
Mayor Dennis Superficial. Subong man sang mga opisyales sang DILG
nga ginpangunahan nanday Engr. Ariel Iglesia, CESO IV -OIC Regional
Director, Assistant Regional Director Maria Calpiza Sardua, CESO V, PD Teodora
Sumagaysay kag DILG Division Chiefs.

Kag suno kay
Regional Director Engr. Iglesia ang itukod nga building sang DILG ang magaserbe
nga Regional Office sang ahensya kag ila ginapasalig nga mapasanyog ang pag
serbisyo sa mga kliyente kag ma imbrobar ang imahe sang mga katapo sang DILG sa
publiko sa pagpatuman sang “Matino, Mahusay at Maaasahan” nga mga
personnel.

Subong man nagpasalamat si Regional Director Engr. Iglesia sa pagpaningkamot sa ila mga predecessors sa pagpatindog sang building kag dako nga pagpasalamat kay Gov. Defensor Sr. sa paghatag ukon pag alokar sang lugar para sa ila bag o nga opisina.

//Allyza